حكــم القـــدر

**Mr.Zrzor** الإثنين نوفمبر 17, 2008 11:41 pm

حكم القدر
مدخل

تتقآذفنآ الأحدآث و الوقآئع ...
تحآورنا الموآقف ..
و نلتقي هناك في ظلآل الصمت ..
لنبحث عن مآ تبقى ..!
و نتحدّث عن مآ مر بهـ الآخرين بـ لسآن العجز ..
لأنّنا لن نستطيع [ بـ الكلام ] أن نعيد الزمن ..

ورى سماعة الهاتف بدينا في غرام احباب
مع أجمل حكاية نوّرت دنيــــــاي و سنيني

همست بصوت متردّد:أخاف محبّتج إعجاب
و صاحت:يا ولد إسكت و ناظر حبّك بعيني

و قلت ارجوج يا نورة أنا ماني ولد لعّاب
إذا كنتـــي تحبيني طلبــــتج لا تخـــلّيني

و اذا تبغين من باجر أنا قاصد أدق الباب
أنا تايهـ و جيت ابحث فقلبج عن عناويني

بعد فترة تشجّعت و مشيت لأهــلها طلآب
يا عمي جيت ابي بنتك على ماحدّدهـ ديني

ومع توفيج من ربي مشت خطاواتنا بحساب
أنا مرتاح في حبي و هي متفــــاخرة فيني

و اذا جاني ولد منها تسابقـني تقول شهاب
انا ابغي ولدنا راشد و هي بعنــــاد تلفيني

مدام اني أحبها .. ما أخلّيها تثير اعصاب
و انا ماكنت اقول الآ كثر ما ابغاج حبّيني

و في ليلة غريبة حزنها يفتح كثير ابواب
طلعت و ما معي الاّ غرابيـــل و شياطيني

و عـ الشارع بسرعة موحشة عقلي صوابه غاب
ختمت اليوم في حادث مُريـــع و ما رأت عيني

و في عوقي نفذ صبري ولا فادتنيه الأعشاب
و كل ما أنطقهـ : يمّهـ هنا عـ الكرسي حطيّني

أنا مشلول يا يمهـ و انا توني صغير و شاب
يأست و ما لقيت اللّي على حالي يواسيني

رضيت بأمري الواقع وذا حظي ولو هو خاب
رجعت الها و انا أسأل أما زلتـــي تُــحبيني ؟

صدمني ردّها القاسي تقول انسى بدون اسباب
و لكن السبب واضح .. إعاقة بينــــج و بيني

و انا اللّي كنت لعيونج أطيّر من غلاج رقـاب
هدمتي حلمنا الوردي .. قتــــلتي كل ما فيني

انا اللي ماحسبت حساب قلبـ[ن] خاين و جذّاب
و صرتي فوق هالدنيا علي و هم خذلتــــيني

تركتيني بلا رحمة .. هجرتيني بدون احساب
أنا شلتج على راسي و على الكرسي تخليني

خسارة ماقدرت اكشف خفاج و قلبج اللعّاب
و لكن موقفي واضح .. أحبج لو تركتـــيني

مخرج

على كف القدر نمشي و لآ ندري عن المكتوب ..

شـمـوخ

Mr Zrzor